UFC: Шавкат Рахмоновтың үшінші жеңісі

Қазақстандық аралас жекпе-жек шебері Шавкат Рахмонов UFC-дегі үшінші жекпе жегінде жеңіске жетті, деп хабарлайды «Қазақ спорты».

Отандасымыз Лас-Вегаста өтіп жатқан турнирде гайаналық Карлстон Харристен басым түсті.

Жартылай орта салмақта өткен бұл кездесу үш раундқа жоспарланған еді. Алайда жерлесіміз бірінші раундта айналып теуіп, қарсыласын сұлатып түсірді.

27 жастағы Шавкат өзінің барлық 15 жекпе-жегін мерзімінен бұрын жеңіспен аяқтаған.

Осы жеңісі үшін Шавкатқа кештің үздік жекпе-жегі деген бонус берілді.