Бублик Роттердамда Маррейге жол берді

Нидерландтың Роттердам қаласында кәсіпқой теннисшілер турнирі өтіп жатыр.

Жарыста бақ сынаған қазақстандық Александр Бублик алғашқы айналымнан аса алмады. Оның жолын британиялық Энди Маррей бөгеді. Маррей ­– Үлкен дулыға турнирінің үш дүркін жеңімпазы.

Бір сағат 43 минутқа созылған кездесуде британиялық спортшы басым түсті. Қорытынды есеп – 7:6, 6:4. Енді Маррей әлемдік рейтингте 9-тұрған канадалық Феликс Оже-Альяссиммен кездесіп, ширек финалдың жолдамасын сарапқа салады.

Айта кетейік, Бублик өткен аптада ғана Франциядағы АТР тунирін қатысып, финалда германиялық Александр Зверевті жеңді. Соның арқасында әлемдік рейтингтің 31-сатысына көтерілді.