Бейжің-2022: биатлоншы Галина Вишневская-Шепоренко спринтте 52-орын алды

Бейжіңдегі Олимпиада ойындарында биатлоннан әйелдер арасындағы спринт бәсекесі аяқталды. Аталған сынға Қазақстан атынан Галина Вишневская-Шепоренко қатысты.

Жерлесіміз жарысқа қатысқан 60 спортшының ішінде 52-орын алды. Галина ату кезінде бір рет мүлт кетті. Ол жеңімпаздан 2:38.3 секундқа қалып қойған.

Биатлоншылар додасында норвегиялық Марте Олсбю-Ройселанн жеңіске жетсе, күміс медаль швециялық Эльвира Эбергке бұйырды, қола жүлдені италиялық Доротея Вирер еншілеген.

Айта кетелік, Вишневская-Шепоренко спринт қорытындысы бойынша із кесу жарысына жолдама алды.