«Барыс» хоккейшісі ҚХЛ-де топ-5 ойыншының қатарына енді

Астаналық «Барыстың» капитаны канадалық Линден Вей ойын уақыты бойынша Құрлықтық хоккей лигасының бес шабуылшысының тізіміне енді.

Қазақстандық клубтың форварды 20 минут 38 секунд көрсеткішімен матчта орташа есеппен ең көп ойын уақыты бар шабуылдаушылардың бестігінде тұр. Бірінші орында – «Кунлун Ред Стар» шабуылшысы Брендан Ип. Бұл ретте Вей 44 кездесуде 29 ұпай жинады (14+15).

Айта кетейік, Астана командасы қазіргі уақытта ҚХЛ Шығыс конференциясында сегізінші орында тұр, еншісінде 43 ұпай бар.