Басты
Денис Никиша Әлем кубогында топ жарды
Отандасымыз Денис Никиша Дордрехт (Нидерланд) қаласында шорт-тректен Әлем кубогының алты кезеңінің қосындысы бойынша үздік атанды.
Денис Никиша 500 метр қашықтықта жалпы есепте көш бастап, 402 ұпаймен бірінші орынға ие болды.
Еске салсақ, Денис өткен жылы АҚШ-тың Солт-Лейк-Сити қаласында өткен Әлем кубогі кезеңінде күміс алған болатын. Одан кейін Алматыда өткен екі кезең барысында алтын, күміс және қола медаль жеңіп алды.
Сондай-ақ тағы бір қазақстандық Абзал Ажғалиев үздік ондықтың қатарынан көрінді.
