Басты
UFC-дегі бесінші жеңіс: Шавкат Рахмонов ерледі
Қазақстандық аралас жекпе-жек шебері Шавкат Рахмонов бірінші орта салмақта UFC тарихына енді. Себебі ол лигада қатарынан бесінші рет жеңіске жетті.
Рахмонов (16-0) Лас-Вегаста өткен UFC 285 турнирінде өнер көрсетті. Бұл жолы ол американдық Джефф Нилмен (15-4) кездесіп, үшінші раундта қарсыласынан қылқындыру әдісімен басым түсті.
Осылайша Шавкат Рахмонов спорттық мансабындағы 17-жеңісіне қол жеткізсе, Джефф Нил бесінші рет жеңіліс құшып отыр. Бұл – UFC-дегі Рахмоновтың бесінші (жеке рекорды – 5-0), Нилдің оныншы (7-3) айқасы болатын.
Осы жекпе-жектен соң UFC қазақстандық спортшыны промоушеннің үздік жауынгерлерінің бірі Джон Джонсқа теңеді. Джонс та UFC 285 турнирінің басты жекпе-жегінде француз Сирил Ганды бірінші раундта-ақ қылқындыру әдісімен жеңген болатын.
