Су спорты
Ұлттық құрама Əлем кубогына жолдама алды
Сингапурде су добынан Əлем кубогына іріктеуге арналған Азия чемпионаты аяқталды.
Еліміздің ерлер құрамасы Таиландты 18:7 есебімен жеңіп, қола жүлдеге ие болды, деп хабарлайды kazsports.kz.
Бұл сында Дамир Темірханов жаттықтыратын ерлер құрамасы Иранмен кездесіп, пенальти сериясында есе жіберді. Есеп: 14:15. Ал оның алдында біздің ватерполшылар Гонконг құрамасын ойсырата ұтты (22:7). Ал алғашқы жарыс күні Филиппиннен басым түсті. Есеп: 19:6.
Осыған дейін Әсел Жақаева баптайтын Қазақстан әйелдер құрамасы чемпион атанған. Олар барлық матчта жеңіске жетті. Осылайша ерлер миен әйелдер құрамасы мамыр айында Берлинде өтетін Əлем Кубогына жолдама алды.
