Бокс
Астанада бокстан «Елорда кубогы» халықаралық турнирі басталды
Бүгін Жақсылық Үшкемпіров атындағы Жекпе-жек сарайында турнирдің ресми ашылу салтанаты өтіп, командалар шеруге қатысты.
Айта кетейік, елімізде алғаш рет ұйымдастырылған «Елорда кубогы» халықаралық турниріне Қазақстан боксшылары 4 құраммен шығып отыр. Сондай-ақ Куба, Қытай, Моңғолия, Өзбекстан, Үндістан, Қырғызстан, Түрікменстан, Тәжікстан сынды елдерден де боксшылар келген.
«Дәстүрге айналатын «Елорда кубогы» әлемнің кіл мықтылары жиналатын турнирге және болашақ жұлдыздарды олимп шыңына өрлететін трамплинге айналады деп сенемін», – деді ҚР Мәдениет және спорт министрлігі Спорт комитетінің төрағасы Самат Ерғалиев.
«Елорда кубогы» 3 шілдеге дейін жалғасады. Жекпе-жектер күнде сағат 14:00-ден басталады.
QAZSPORT телеарнасы турнирді тікелей эфирден көрсетеді.
