Аралас жекпе-жек
Дамир Ысмағұлов МакГрегорді жекпе-жекке шақырды
UFC-дегі қазақ спортшысы Дамир Ысмағұлов ирландиялық Конор МакГрегормен кездесуге ниетті.
Ол бұл туралы әлеуметтік желіде жазды.
«Жақын жердемін, қашан және қай жерде екенін айтсаң болды», – деп жазды Дамир Instagram-да.
Жеңіл салмақта UFC-дің жаңартылған рейтингінде (70,3 килограмм) МакГрегор – 11, ал Ысмағұлов 12-орында тұр.
Дамир UFC-дегі соңғы айқасын маусымда өткізіп, төрешілер шешімімен Швециядан шыққан грузин Гурам Кутателадзені жеңген.
МакГрегор UFC-де 2021 жылдың шілдесінде американдық Дастин Порьемен айқасты. Ол кезде Конор аяғын сындырып алып, төреші техникалық нокаут жариялаған.
