Қазақстандық боксшы Еділ Қожамбердиев келесі жекпе-жектің уақытын жариялады.
«Ассалаумағалейкум, достар! Рингке оралғаным туралы қуана хабарлаймын. 18 наурызда Ыстамбұлда кездескенше», – деп жазды ол.
Әзірге қарсыластың кім екені белгісіз.
Жекпе-жек бірінші ауыр салмақтағы дивизионда өтеді. WBC Middle East Championship атағы сарапқа салынады.
Айта кетейік, 2021 жылдың желтоқсанында Алматыда өткен соңғы жекпе-жекте Қожомбердиев Түркиядан келген Хамза Гүнешті бірінші раундта нокаутпен жеңді. Сол кезде қазақстандық WBO Intercontinental бірінші ауыр салмақтағы бос белбеуінің иегері атанды. Сондай-ақ Қожамбердиев WBC ABC Continental «уақытша» чемпионы атағына ие.
