Футбол
Нұрәлі Әліп «Зенит» сапында жеңіс голын соқты (видео)
Қазақстан ұлттық құрамасының қорғаушысы Нұрәлі Әліп Ресейдің "Зенит" командасының сапында алғашқы голын соқты, деп хабарлайды Qazaqsporty.kz тілшісі.
Нұрәлі Әліп Данияның «Мидтьюлланд» командасымен ойында мергендік танытты. Ол бірінші таймда бразилиялық Клаудиньонің бұрыштамадан көтерген добына бірінші жетіп, баспен қақпаға сүңгітті.
«Зенит» бұл матчта 1:0 есебімен жеңіске жетті. Нұрәлі Санкт-Петербург командасындағы екінші ойынын өткізді. Әзірге келісімшартқа қол қойған жоқ. Ресей командасының оқу-жаттығу жиыны Португалияда өтіп жатыр.
Дания командасында «Қайраттың» бұрынғы шабуылшысы Вагнер Лав ойнады.
