Бокс
«Страндж-2023»: Қазақ боксшысы қарсыласын нокаутпен жеңді
Қазақстандық боксшы Ерасыл Таңқай Болгария астанасы София қаласында өтіп жатқан «Странджа» кубогын сәтті бастады.
Отандасымыз60 келі салмақта италиялық Даниэле Салерномен қолғап түйістірді. Жекпе-жек барысында ол қарсыласын үшінші раундта техникалық нокаутпен жеңді. Екінші және үшінші раундтарда Италия боксшысын нокдаунға да жіберген еді.
Осылайша ол жарыстың 1/8 финалына жолдама алды.
Мамандар арасында «Страндж» турнирі кіші әлем чемпионаты ретінде бағаланады.
