Бокс
Ертуған Зейнуллинов «Странджа» кубогының 1/8 финалына өтті
Қазақстандық боксшы Ертуған Зейнуллинов Болгария астанасы София қаласында өтіп жатқан «Странджа» кубогында алғашқы жекпе-жегін сәтті өткізді.
Отандасымыз 63,5 келідге дейін салмақта өнер көрсетіп жатыр. Ол 1/16 финалда испаниялық Конде Ойер Ибарречемен кездесті.
Жекпе-жек барысында қазақстандық боксшы жинақы қимыл көрсетті. Нәтижесінде қарсыласынан басым түсіп, жарыстың 1/8 финалына жолдама алды.
Енді ол 22 ақпанда өзбекстандық Мужибулло Турсуновпен қолғап түйістіреді.
