Футбол
«Астана» Ривалдоның ұлына ұсыныс жасады
Елорданың "Астана" клубы 26 жастағы бразилиялық шабуылшы Ривалдиньоға қызығушылық танытып отыр.
Бұл туралы Digisport порталы хабарлады.
Ривалдиньо — «Барселона» командасы мен Бразилия құрамасының экс-футболшысы, «Алтын доптың» иегері Ривалдоның ұлы.
Ривалдиньо 2020 жылдың жазынан бері «Краковия» клубында ойнайды. Соңғы кездері негізгі құрамдағы орнынан айырылып қалған. Сондықтан кетуді көздейді.
Осы айда «Астана» футболшыны жалға алмақшы болған. Бірақ Ривальдинью бас тартқан. Ол АҚШ немесе Бразилияда ойнағысы келеді.
Ол спорттық карьерасында 161 матч өткізіп, 32 гол соққан.
