Футбол
Елдос Ахметов бірде-бір ойын ойнамай «Астанадан» кетті
Қазақстандық қорғаушы Елдос Ахметов биылғы маусымда да "Таразда" ойнайтын болды.
Ахметов маусым соңында «Тараздан» кеткен. Сосын «Астанамен» келісімшартқа отырып, елорда клубымен Түркиядағы оқу-жаттығу жиынына аттанған.
Елдос Ахметов – Жамбыл футболының түлегі. «Тараз» сапында 2012-2013 жылдары ойнаған. Одан кейін былтыр қайта оралып, вице-капитан болды. Жалпы, «Тараз» сапында 46 матчта бір гол соққан.
Сонымен қатар 31 жастағы қорғаушы «Ертіс», «Астана», «Қайрат» және «Қайсар» командаларының намысын қорғаған. Премьер-лигада 196 кездесуде 8 рет көзге түскен.
Ұлттық құрамада 16 матчқа қатысқан.
